Deputetët e Bashkimit Demokratik për Integrim i janë bashkuar protestës së studentëve shqiptarë që po zhvillohet në Shkup, në mbështetje të kërkesës për mundësimin e përdorimit të gjuhës shqipe në provimin e jurisprudencës, raporton TS.
Ata kanë shprehur mbështetje për kërkesat e studentëve, duke theksuar se bëhet fjalë për të drejta kushtetuese dhe për zbatimin e plotë të Ligjit për përdorimin e gjuhëve. Sipas tyre, protestat e tilla pasqyrojnë pakënaqësinë e qytetarëve për moszbatimin e barabartë të të drejtave gjuhësore në institucione.
Në protestë, studentët vazhdojnë të kërkojnë që provimi i jurisprudencës të organizohet edhe në gjuhën shqipe, ndërsa atmosfera në qendër të Shkupit mbetet e tensionuar por paqësore.
