Kryetari i Nisma Socialdemokrate, Fatmir Limaj, ka shprehur mbështetjen e tij për studentët dhe të rinjtë shqiptarë, duke vlerësuar rolin e tyre në mbrojtjen e të drejtave kombëtare dhe shoqërore.
Në reagimin e tij publik, Limaj theksoi se historia ka dëshmuar se sa herë të rinjtë shqiptarë janë ngritur me guxim dhe dinjitet, zëri i tyre është bërë zëri i popullit dhe ka sjellë ndryshim.
Ai nënvizoi rëndësinë e unitetit dhe qëndresës së shqiptarëve, duke shtuar se mbrojtja e identitetit kombëtar dhe e të drejtave të fituara kërkon angazhim të përbashkët.
“Shqiponja gjithmonë fluturon më lart kur bijtë dhe bijat e saj qëndrojnë bashkë, me zemër, dije dhe vendosmëri, për të mbrojtur atë që i takon kombit të tyre,” theksoi Limaj.
Deklarata e tij vjen në një moment kur studentët shqiptarë në Maqedonia e Veriut kanë ngritur zërin për mbrojtjen e gjuhës shqipe dhe respektimin e të drejtave të garantuara me Kushtetutë dhe ligj.
Ja postimi plotë:
Historia ka dëshmuar se sa herë të rinjtë shqiptarë janë ngritur me guxim dhe dinjitet, zëri i tyre është kthyer në
zërin e popullit dhe ka sjellë ndryshim.
Shqiponja gjithmonë fluturon më lart kur bijtë dhe bijat e saj qëndrojnë bashkë, me zemër, dije dhe vendosmëri, për të mbrojtur atë që i takon kombit të tyre.
