Me rastin e Ditës së Dëshmorëve të Kombit, më 5 maj do të organizohen homazhe dhe aktivitete përkujtimore në nder të të rënëve.
Sipas njoftimit të SHVL – UÇK “Brigada 112 Mujdin Aliu”, aktivitetet do të zhvillohen në vendprehjet e dëshmorëve dhe do të organizohen në grupe, sipas rajoneve.
Shënimi qendror do të mbahet të martën, më 5 maj, në ora 17:00, në Kompleksin Memorial pranë Teqesë në Tetovë.
Organizatorët ftojnë qytetarët, familjarët e dëshmorëve dhe të gjithë të interesuarit që të marrin pjesë në këtë përkujtim, për të nderuar sakrificën e dëshmorëve të kombit.
