Në cilësinë e Kryetarit të Lidhjes Shqiptare në Botë, Nazmi Jakurti ka zhvilluar një vizitë në Institutin e Krimeve të Kryera gjatë Luftës në Kosovë.
Gjatë kësaj vizite, ai u prit nga Drejtori i Institutit, Prof. Dr. Atdhe Hetemi, së bashku me bashkëpunëtorët e tij, të cilët e informuan për punën dhe angazhimin e vazhdueshëm të rreth 40 punonjësve të institucionit.
Jakurti vlerësoi lart profesionalizmin dhe përkushtimin e stafit në mbledhjen, dokumentimin dhe ruajtjen e fakteve dhe dëshmive për krimet e kryera nga aparati shtetëror serb ndaj qytetarëve të Republikës së Kosovës.
Gjatë takimit, palët u dakorduan për thellimin e bashkëpunimit, si dhe për angazhimin e diasporës shqiptare në mbledhjen e dëshmive dhe fakteve që kontribuojnë në ndriçimin e krimeve të gjenocidit serb në Kosovë.
Kjo nismë synon të forcojë përpjekjet institucionale dhe shoqërore për dokumentimin e së vërtetës dhe ruajtjen e kujtesës historike.
Ja postimi plotë:
Në cilësinë e Kryetarit të Lidhjes Shqiptare në Botë, vizitova Institutin e Krimeve të Kryera gjatë Luftës në Kosovë. Nga Drejtori i Institutit, Prof. Dr. Atdhe Hetemi me bashkpunëtoret u informova për punën e palodhshme që bëjnë 40 të punësuar në këtë Institut. Është inkurajues profesionalizmi dhe angazhimi i pakompromis i tyre në mbledhjen, dokumentimin dhe ruajtjen e fakteve dhe dëshmive për krimet e kryera nga aparati shtetëror serb ndaj qytetarëve të Republikës së Kosovës. U morëm vesh të bashkpunojmë si dhe të ftojmë bashkkombasit tonë në diasporë që të kontribuojnë në mbledhjen e fakteve dhe dëshmive që ndihmojnë në ndriqimin e krimeve të gjenocidit serb në Kosovë.
