Qeveritë në krejt Europën po garojnë për t’ua bllokuar fëmijëve nën moshën 15 vjeç mediat sociale. Franca tashmë e ka miratuar ndalimin e saj. Danimarka ka arritur marrëveshje politike.
Spanja po shqyrton një prag më të ashpër nën moshën 16 vjeç. Greqia, e cila do të zbatojë ndalimin nga viti 2027, tani po i bën presion Brukselit për një qasje të unifikuar europiane, ka raportuar të mekurën (22.04.2026) Euronews.Presioni po funksionon.
Presidentja e Komisionit Europian, Ursula von der Leyen, u tha platformave 15 prill se “nuk më nuk ka justifikime” për të mos mbrojtur fëmijët në internet dhe njoftoi se aplikacioni i verifikimit të moshës i BE-së është teknikisht gati për lansim.
Aplikacioni u kërkon përdoruesve ta verifikojnë moshën me dokumente zyrtare ose identifikime dixhitale. Pastaj lëshon një konfirmim duke përdorur prova, duke u dhënë platformave prova të moshës pa ekspozuar të dhëna personale.
Kodi është me burim të hapur, i ndërtuar për t’u lidhur me portofolet dixhitale kombëtare dhe gati për TikTok, Instagram, Facebook dhe Snapchat.Të katër platformat janë tashmë nën hetim të BE-së për dështimin për mbrojtjen e të miturve.
Paneli i sigurisë së fëmijëve i Komisionit do të japë vendimin e tij këtë verë. Teknologjia është gati. Momenti politik është real. Ajo që i mungon Europës është koordinimi përpara se të vendoset një varg rregullash kombëtare.Përgatiti: Rexhep Maloku – Kallxo.com
