Bexheti: Shqiptarët kanë të drejtën të kërkojnë rregullim të ri shtetëror
Bexheti: Shqiptarët kanë të drejtën të kërkojnë rregullim të ri shtetëror
Publikuar 14:10 20 Prill, 2026
-E ripërsëris, se shqiptarët kanë të drejtën legjitime, të hapin një debat të gjerë ndër shqiptar, për rregullim të ri shtetëror, dhe vetë të përcaktojnë se si duan dhe ku duan të jetojnë, tha deputeti i Frontit Europian, Blerim Bexheti në konferencën e sotme për shtyp, ku mes tjerash akuzoi qeverinë për mos-respektimin e Marrëveshjes së Ohrit, por edhe për bllokim të procesit eurointegrues, përcjell TV21.
“Në shtet ne realisht kemi problem serioz ku, i ftoj edhe popullatën maqedonase, por edhe shqiptare, nëse ka nevojë edhe të bisedojmë edhe si e lexojmë Marrëveshjen e Ohrit dhe si e kuptojmë. Do të jeni dëshmitarë, se qëllimi i gjithë këtyre veprimeve dhe presioneve politike bëhet për këtë dhe për procesin integrues, dhe nëse nuk ka dakordësi, shqiptarët kanë të drejtën legjitime që të kërkojnë rregullim të ri shtetëror, dhe vetë të përcaktojnë se si, dhe ku duan të jetojnë”, tha mes tjerash Bexheti.
