Në ambientet e Kuvendit të Republikës së Maqedonisë së Veriut është zhvilluar sot një takim ndërmjet të rinjve të Bashkimit Demokratik për Integrim (BDI) dhe deputetëve të Grupit Parlamentar të kësaj partie, i udhëhequr nga koordinatorja Rina Ajdari.
Qëllimi i këtij takimi ishte forcimi i komunikimit dhe bashkëpunimit ndërmjet rinisë dhe përfaqësuesve institucionalë, me theks të veçantë në çështjet që lidhen drejtpërdrejt me të rinjtë dhe perspektivën e tyre në vend.
Gjatë diskutimeve, përfaqësuesit e rinisë theksuan nevojën për përfshirje më të madhe të të rinjve në proceset vendimmarrëse, duke nënvizuar rëndësinë e politikave që adresojnë sfidat dhe aspiratat e tyre.
Nga ana tjetër, deputetët shprehën gatishmëri për të vazhduar bashkëpunimin dhe për të mbështetur iniciativat që vijnë nga të rinjtë.
Ky takim u vlerësua si një hap i rëndësishëm drejt fuqizimit të rolit të rinisë në ndërtimin e një shoqërie më të drejtë, më përfaqësuese dhe me orientim europian.
Ja postimi plotë:
Rinia në veprim, zëri që ndërton të ardhmen.
Sot, në ambientet e Kuvendit të Republikës Maqedonisë së Veriut, u realizua një takim ndërmjet të rinjve të Bashkimit Demokratik për Integrim dhe deputetëve të Grupit Parlamentar të BDI-së, i udhëhequr nga koordinatorja znj. Rina Ajdari.
Ky takim shërbeu si një hap i rëndësishëm në forcimin e komunikimit dhe bashkëpunimit ndërmjet rinisë dhe përfaqësuesve institucionalë, me fokus në adresimin e çështjeve që prekin drejtpërdrejt të rinjtë dhe të ardhmen e tyre.
Rinia jonë dëshmoi edhe një herë se është e organizuar, e vetëdijshme dhe e gatshme të kontribuojë në proceset vendimmarrëse.
Së bashku për një të ardhme më të drejtë, më europiane dhe më përfaqësuese!
