Homazhe në Bardhaj për 6 Prillin – përkujtohet Kryengritja e Malësisë
Në kuadër të shënimit të 6 Prillit – Kryengritjes së Malësisë së vitit 1911, përfaqësuesit më të lartë të Komunës së Tuzit bënë sot homazhe pranë shtatores së heroit kombëtar Dedë Gjon Luli, në Bardhaj.
Kryetari i Komunës së Tuzit, z. Lindon Gjelaj, së bashku me kryetarin e Kuvendit, z. Fadil Kajoshaj, nënkryetarin e Komunës, z. Ivan Ivanaj, si dhe sekretarja e Sekretariatit për Vetëqeverisje Lokale, znj. Marina Ujkaj, vendosën kurora lulesh në nderim të kësaj date historike për Malësinë dhe mbarë kombin shqiptar.
Ky përvjetor përkujton Kryengritjen e Malësisë të vitit 1911, e cila shënoi një moment të rëndësishëm në përpjekjet për liri dhe afirmim kombëtar.
