Si çdo vit, edhe këtë vit, Komuniteti Shqiptar i BI të Austrisë-ALKIG në bashkëpunim me Bashkësinë Fetare Islame të RMV-së, respektivisht me shoqatën humanitare “Hilal”, realizoi shpërndarjen e pakove ushqimore për familjet në nevojë.
Ky aktivitet ishte një përpjekje e sinqertë për të qenë pranë atyre që përballen me vështirësi të përditshme. Në çdo derë të trokitur u përcoll jo vetëm ndihmë materiale, por edhe një ndjenjë kujdesi dhe solidariteti.
Pakot e shpërndara janë shenjë e vëmendjes dhe përgjegjësisë sonë ndaj njëri-tjetrit, veçanërisht ndaj atyre që kanë më shumë nevojë.
Ky veprim i përvitshëm mbetet dëshmi e përkushtimit të vazhdueshëm për të ndërtuar një shoqëri më të ndjeshme dhe më të bashkuar.
