Shtetet e Bashkuara të Amerikës përmenden në fund të INFORMATES PËR MJETET E INFORMIMIT, si një model i demokracisë së ardhshme dhe një referencë politike pozitive për luftëtarët e Ushtria Çlirimtare Kombëtare, që luftonin si luaj!
SHBA-të përmenden në dokumentin e Brigadës 112 “Mujdin Aliu” te UÇK-së, në NJOFTIMIN e publikuar më 14 Mars 2001, thuhet se luftëtarët janë, “adhuruesit e demokracisë më të përparuar të globit, asaj të SHBA-ve”,teksti plotë i pasuesit është:”…Ne luftëtarët dhe bashkëluftëtarët e Komandantit Legjendar Adem Jashari, të rreshtuar në UÇK, jemi vazhduesit e heroizmit të madh shqiptar, mbështetësit e demokratizimit dhe prosperitetit kombëtar e njerëzor, adhuruesit e demokracisë më të përparuar të globit, asaj të SHBA-ve…”!
Kjo është nje dëshmi absolute se SHBA-të në dokumentin e UÇK-së,paraqiten si simbol i demokracisë, si model politik e rregullim iatdhshem shoqëror që duhet për t’u ndjekur, por edhe si sistem më i përparuar në botë, që përfaqëson lirinë dhe të drejtat universale më të avansuara!
Cili ka qenë qëllimi i përmendjes së SHBA-ve në dokumentin e parë zyrtar publik të Brigadës 112 “ Mujdin Aliu” të UÇK-së?
Përmendja e SHBA-se në një komunikatë të tillë ka pasur disa qëllime!
Qëllimi i parë ishte legjitimimi ndërkombëtar i luftës së UÇK-së, përmes të cilit dëshmohej dhe tregohej se lufta e armatosur çlirimtare, pretendonte të jetë në përputhje me vlerat demokratike euroatlantike!
Qëllimi i dytë ishte mesazh i qartë dhe pa ekuivoke për opinionin ndërkombëtar, që të krijohej përshtypja e padiskutueshme se kërkesat e shqiptarëve, jo vetëm janë demokratike, por edhe synojnë të jenë të sinkronizuara me demoracitë më të përparuara të globit, siç është ajo e SHBA-së!
Qëllimi i tretë ishte, afrimi me platformën euroatlantike dhe të tregojë qartë e në mënyre deçizive orientimin pro-euro-amerikan të Ushtrisë Çlirimtare Kombëtare!
Duke përmendur Shtetet e Bashkuara të Amerikës, dokumenti i UÇK-së, përpiqet të paraqesë argumente bindëse se lufta e UÇK-së, nuk është lufte etnike apo as lufte lokale, por është luftë për liri, barazi, te drejta të barabarta dhe demokraci sipas modelit më të përparuar të globit asaj të SHBA-së!
Në dokumentin e UÇK-së, SHBA shfaqen si simboli më i madh i demokracisë në botë,dhe mesazh se qëllimi i Ushtria Çlirimtare Kombëtare është krijimi i një shoqërie demokratike dhe të barabartë, sikur ajo e SHBA-së!
Ismet Sylejmani,
Prishtinë, 14 Mars 2026!
