Nik Gjeloshaj rikujton 3 marsin e vitit 2019 si një ditë historike për Malësinë, një ditë kur bashkimi i komunitetit dhe kthimi i diasporës shënuan fillimin e ndryshimit.
“Mesazhi i Malësisë me 3 mars 2019 ishte i qartë: të bashkuar fitojmë gjithmonë,” deklaron ai.
Pas shtatë vitesh, Gjeloshaj thekson se kjo fitore nuk është vetëm kujtim, por një realitet i prekshëm. Sipas tij, zhvillimi i Malësisë duket në infrastrukturë, projekte kapitale, forcimin e institucioneve dhe rikthimin e dinjitetit të përfaqësimit shqiptar në Mal të Zi.
“3 marsi nuk ishte vetëm ndryshim pushteti. Ishte ndryshim mentaliteti. Ishte momenti kur e keqja mbeti pas dhe u hap rruga e shpresës, punës dhe zhvillimit të qëndrueshëm,” shprehet Gjeloshaj.
Ai shton se gjatë këtyre viteve, jo vetëm që është forcuar Malësia, por është rritur edhe pozita e shqiptarëve në Mal të Zi me zë më të fortë dhe përfaqësim më dinjitoz, duke sjellë rezultate konkrete.
“Ka qenë dhe mbetet privilegj dhe përgjegjësi që isha drejtues i këtij procesi. Së bashku krijuam një ekip që beson në punë, jo në fjalë; në rezultate, jo në arsyetime,” thotë Gjeloshaj.
Ai përfundon mesazhin me një ftesë për të ardhmen: “Sot nuk është koha vetëm për krenari. Është koha për fazën e re. Sepse 3 marsi na mësoi një gjë: kur jemi bashkë, jo vetëm që fitojmë, por ndërtojmë të ardhmen.”
Ja postimi i plotë:
3 marsi 2019 ishte një kthesë historike për Malësinë.
Një ditë kur Malësia ishte e bashkuar.
Një ditë kur diaspora u kthye në shtëpinë e vet.
Një ditë kur sytë e gjithë shqiptarisë ishin kah Malësia.
Mesazhi i Malêsis me 3 mars 2019 ishte:
të bashkuar fitojmë gjithmonë.
Sot, pas shtatë vitesh, ajo fitore nuk është vetëm kujtim, është realitet i prekshëm.
Zhvillimi i Malësisë shihet në infrastrukturë, në projekte kapitale, në forcimin e institucioneve dhe në dinjitetin e rikthyer të përfaqësimit tonë.
3 marsi nuk ishte vetëm ndryshim pushteti.
Ishte ndryshim mentaliteti.
Ishte momenti kur e keqja mbeti pas dhe u hap rruga e shpresës, punës dhe zhvillimit të qëndrueshëm.
Brenda këtyre viteve, jo vetëm që e forcuam Malësinë, por lartësuam edhe pozitën e shqiptarëve në Mal të Zi me zë më të fortë, me përfaqësim më dinjitoz dhe me rezultate konkrete.
Ka qenë dhe mbetet privilegj dhe përgjegjësi që isha drejtues i ketij procesi.
Së bashku krijuam një ekip që beson në punë, jo në fjalë; në rezultate, jo në arsyetime.
Sot nuk është koha vetëm për krenari.
Është koha për fazën e re.
Sepse 3 marsi na mësoi një gjë:
kur jemi bashkë, jo vetëm që fitojmë, por ndërtojmë të ardhmen.
NGJ
