Myftiu dr. Selver Xhemaili priti në një takim vëllazëror imamin e Xhamisë në Salmsach/Romanshorn të Zvicrës, dr. Mixhit ef. Osmani, i shoqëruar nga vëllai i tij, z. Zyjdi Osmani – inxhinier i informatikës me veprimtari profesionale në Mynih.
Gjatë takimit u diskutua mbi bashkëpunimin ndërmjet institucioneve fetare dhe komunitetit shqiptar në diasporë, me theks të veçantë në ruajtjen e identitetit fetar dhe kombëtar.
Po ashtu, u theksua rëndësia e edukimit të brezave të rinj dhe forcimit të lidhjeve shpirtërore e kulturore me vendlindjen.
Myftiu dr. Xhemaili vlerësoi lart kontributin e imamëve dhe intelektualëve shqiptarë në diasporë në promovimin e vlerave islame, harmonisë ndërfetare dhe integrimit dinjitoz në shoqëritë ku ata jetojnë dhe veprojnë.
Nga ana e tyre, mysafirët shprehën mirënjohje për mikpritjen e ngrohtë dhe gatishmërinë për të thelluar bashkëpunimin në projekte të përbashkëta arsimore, fetare dhe kulturore në të ardhmen.