Malësia lind dhe rrit bijtë e bijat e veta, të cilëve për trashëgimi ua lë besën, nderin dhe mikpritjen në oxhak; e ata, për respekt ndaj kësaj trashëgimie, duhet t’ua kthejnë me shkollim, sport dhe kulturë — të gjitha me hapa të sigurt, duke u ngjitur shkallëve të suksesit.
Familjet nga Malësia sot janë në kohën e konkurrimit si shqiptarë, në cilindo shtet të Evropës dhe Amerikës ku ata jetojnë.
Pas yjeve të futbollit nga Malësia, si Admir
Mehmedi, Shkodran Mustafi dhe disa të tjerë, hapat e tyre po i ndjek edhe një numër i madh i të rinjve në rangjet e moshave që kanë, duke na siguruar se janë në rrugën e duhur, padyshim me përkrahjen dhe ndihmën e familjarëve.
Ilzim Bajrami nga Sërmnova, e Gostivarit, është shembulli dhe krahu i pathyeshëm i nipit të vet nga vëllai, Metin Bajrami, i cili e surprizon atë, familjen dhe të gjithë ne me aftësitë dhe rezultatet që tregon në fushë, duke shënuar dhe duke i sjellë rezultate të shkëlqyera ekipit të vet, VfB Stuttgart.
Ai dhe të tjerët si ai na bëjnë krenarë, si në fushën e sportit, ashtu edhe në drejtimet e shkollimit, në të gjitha degët që vetë i zgjedhin.
Metin Bajrami, të duam të shëndetshëm, duke u ngjitur lart e më lart shkallëve të suksesit!
Respekt për prindërit, axhallarët, me gjithë familjen e ngushtë dhe të gjerë!
Suksese!
04.02. Sërmnovë
Daja Luan Veliu
