Deputeti Rijad Shaqiri ka reaguar ndaj debatit për ligjin “Safe City”, duke kritikuar ashpër politikanët që, sipas tij, po shtiren si kundërshtarë të ligjit, ndërkohë që munguan në seancën parlamentare ditën e votimit.
Shaqiri thekson se qëndrimin për ankimimin e ligjit në Gjykatën Kushtetuese e ka paralajmëruar publikisht nga foltorja e Kuvendit dhe se ankimimi nuk mund të bëhet pa hyrë ligji në fuqi.
Ai “thumbon” drejtpërdrejt Ziadin Selën, si dhe liderin e BDI-së, Ali Ahmeti, duke nënvizuar se mosprezenca në Kuvend nuk është neutralitet, por mbështetje indirekte e ligjit.
“Kush është kundër një ligji të dëmshëm, vjen në Kuvend dhe voton KUNDËR. Çdo veprim tjetër është mashtrim politik për opinionin”, thekson Shaqiri, duke përmbyllur se mosprezenca = mbështetje indirekte e ligji.
