Me rastin e përvjetorit të Masakrës së Reçakut, kryetari i Komunës së Vrapçishtit, Isen Shabani, ka kujtuar një nga ngjarjet më të rënda dhe më të dhimbshme të historisë së popullit shqiptar.
Shabani theksoi se Reçaku mbetet një plagë e hapur që nuk shërohet kurrë, një kujtesë kolektive që nuk shuhet dhe një krim që nuk mund të harrohet e as të falet.
Ai u shpreh se sakrifica e viktimave të pafajshme është themel i lirisë dhe dinjitetit të popullit shqiptar.
“Lavdi dhe nderim i përjetshëm për ata që dhanë jetën për lirinë dhe dinjitetin e popullit tonë. Reçaku nuk harrohet dhe nuk falet,” deklaroi kryetari Shabani.
Ai bëri thirrje që e vërteta historike të ruhet dhe të përcillet brez pas brezi, në mënyrë që krime të tilla të mos përsëriten më kurrë.
