Nesër mbrëma do të lançohet kënga më e re kushtuar Malit legjendar të Trieshit, një projekt artistik me vlera të veçanta kulturore dhe shpirtërore, i prezantuar nga këngëtari Fran Lucaj.
Me këtë këngë, autori u uron Gëzuar Krishtlindjen të gjithë shqiptarëve kudo që ndodhen.
Realizimi i kësaj kënge është një ëndërr e hershme e bërë realitet falë bashkëpunimit të shumë artistëve dhe dashamirësve të artit.
Teksti dhe muzika mbajnë firmën e Pjetër Kolës, ndërsa orkestrimi dhe regjistrimi i zërit u realizuan nga mjeshtri i madh Nikollë Nikprëlaj, i cili vuri në dispozicion studion e tij pa pagesë, si dhuratë për Trieshin dhe për autorin.
Në këtë projekt kontribuuan gjithashtu Malësia Tupana, Nikollë Gjokaj, Vaso Memçaj, artisti dhe patrioti Pashko Gjokaj, si dhe këngëtari i mirënjohur Lekë Dedvukaj.
Kënga vjen si një homazh për Trieshin dhe si një mesazh bashkimi e urimi për festat e fundvitit, duke përcjellë frymën e traditës dhe dashurisë për vendlindjen.
