Nënkryetari i BDI-së, Arbër Ademi, i hodhi poshtë pretendimet se kryetari i partisë, Ali Ahmeti, do të tërhiqet nga politika pas zgjedhjeve lokale. Ai i cilësoi këto publikime si dezinformata që synojnë të demotivojnë votuesit para raundit të dytë të zgjedhjeve më 2 nëntor.
“Tërheqja e Ali Ahmetit nuk është aspak në shqyrtim. Përkundrazi, BDI është parti fituese – kemi marrë 23 mijë vota më shumë se VLEN dhe kemi rritur numrin e këshilltarëve në 120,” deklaroi Ademi.
Ai njoftoi se mbledhja e sotme e kryesisë do t’i kushtohet analizës së rezultateve dhe situatës aktuale politike, por jo çështjes së pozitës së liderit.
