Sipas të dhënave të publikuara nga Komisioni Shtetëror Zgjedhor (KSHZ), në Komunën e Strugës, VMRO-DPMNE ka marrë 5.749 vota, ndërsa Koalicioni VLEN ka siguruar 4.059 vota në listat për Këshillin Komunal.
Kandidati për kryetar komune Mendi Qyra, i cili u mbështet publikisht nga të dyja këto forca politike, ka marrë gjithsej 9.934 vota. Megjithatë, duke i zbritur votat e përbashkëta të VMRO-DPMNE-së dhe VLEN-it, rezulton se Qyra ka marrë vetëm 126 vota shtesë jashtë bazës partiake.
Këto rezultate tregojnë se mbështetja për kandidaturën e përbashkët Qyra nuk ka arritur të mobilizojë elektoratin përtej strukturave të partive që e mbështetën, duke reflektuar një mungesë të ndjeshme të mbështetjes personale dhe elektorale në terren.