Gjatë tubimit madhështor të mbajtur sonte në qendër të Tetovës nga Aleanca Kombëtare për Integrim, kandidati për kryetar të Komunës së Tetovës, Bajram Rexhepi, iu drejtua qytetarëve me një mesazh të fortë dhe të qartë për momentin vendimtar që po kalon qyteti.
“Tetova jonë ndodhet para një sfide historike për të bërë një zgjedhje të madhe mes atyre që mashtruan dhe bënë mashtrimin më të madh në historinë e këtij qyteti, dhe nesh, që ofrojmë zgjidhje reale për problemet e përditshme të qytetarëve,” deklaroi Rexhepi.
Në fjalën e tij, ai kritikoi ashpër udhëheqësit e deritanishëm për dështimet dhe premtimet boshe, duke u zotuar për një qeverisje të ndershme, transparente dhe me prioritet interesin publik.
