Në tubimin madhështor të organizuar nga Aleanca Kombëtare për Integrim në qendër të Tetovës, kandidati për kryetar të komunës, Bajram Rexhepi, dërgoi një mesazh të fuqishëm dhe të drejtpërdrejtë, duke i bërë thirrje qytetarëve që të mos lejojnë ndikime të jashtme dhe abuzime të brendshme të diktojnë të ardhmen e qytetit.
“Tetovarët nuk do të lejojnë që për të ardhmen tonë të vendosin donacionet serbe, kreditë kineze apo paratë e vjedhura nga shitja e pronave tona të përbashkëta” deklaroi Rexhepi para qindra qytetarëve të mbledhur.
Ai u zotua për një qeverisje transparente, pa ndikime të huaja dhe me fokus tek nevojat reale të komunitetit.