Kryetari i Komunës së Vrapçishtit, Isen Shabani, ka njoftuar se sot kanë filluar punimet për rekonstruksionin e rrugës në fshatin Vrapçisht, në segmentin që lidh fshatin me autostradën kryesore.
Ky projekt është pjesë e angazhimeve të Komunës për përmirësimin e infrastrukturës rrugore, rritjen e sigurisë në komunikacion dhe lehtësimin e qarkullimit për banorët dhe qytetarët që përdorin këtë aks.
Gjatë kohës së punimeve priten kufizime të përkohshme në lëvizje, ndërsa nga qytetarët kërkohet mirëkuptim dhe bashkëpunim.
“Ky është një projekt i rëndësishëm për fshatin Vrapçisht dhe për të gjithë qarkullimin lokal. Synimi ynë është të sigurojmë rrugë më të mira dhe më të sigurta për të gjithë,” tha Kryetari Isen Shabani.
📍 Komuna e Vrapçishtit
🗓️ 15 tetor 2025
