Kryetari i Drenasit, Ramiz Lladrovci, i cili është kandidat edhe për një mandat tjetër në krye të kësaj komune me ‘’Për Drenasin Kampion’’, ka vazhduar fushatën në Polluzhë.
Ai është pritur nga një numër i madh i banorëve atje.
‘‘Polluzhë, më 15 shtator 2025. Faleminderit 101 herë, vazhdojmë edhe katër!’’, ka shkruar ai.
Para qytetarëve atje, Lladrovci ka thënë se askush s’e ka bërë krenare PDK-në se sa Drenasi për 9 vite nën qeverisjen e tij.
E keni të qartë tashmë pse ka ardhë deri të kjo që dikush e ka logon edhe dikush e ka zemrën e PDK-së. Qoftë se ka dikush në këtë vend që e ka bë më shumë krenar PDK se Drenasi për 9 vjet në krye me mu, le të del e të me tregon. Për 26 vjet, e deri sot e kam me vazhdu, që nuk ka me pas njeri që ka punuar me përgjegjësi, transparencë me llogaridhënie, me zbatim të ligjit edhe që ka sjellë grant përformancës’’, ka thënë ai.