Një fotografi e shpërndarë në rrjete sociale ka ngjallur reagime, ku shihet kryetari i Tetovës, Bilall Kasami, bashkë me kryetarin e Partisë Turke Demokratike (TDP), Zülfikar Zeynula. Në imazh vihet re se Zeynula mban flamurin turk, ndërsa Kasami nuk ka flamurin shqiptar përkrah.
Ky detaj ka hapur debat për mungesën e simbolikës kombëtare nga ana e Kasamit, duke u interpretuar si neglizhencë ndaj flamurit shqiptar dhe mosshprehje e patriotizmit në një ngjarje kaq të rëndësishme që u mbajt sot në Kuvendin e Maqedonisë së Veriut.
Kritikët theksojnë se një kryetar shqiptar i një qyteti si Tetova duhet të jetë i pari që mbron dhe respekton simbolet kombëtare, veçanërisht kur bashkëbiseduesi i tij shfaq krenari për flamurin e shtetit të tij amë.
