Kur je në pushtet pa legjitimitetin e popullit, kur nuk përfaqëson askënd tjetër përveç vetes dhe rrethit të ngushtë familjar, çdo fjalë e lirë dhe çdo kritikë të duket kërcënim. Aq më tepër kur ajo vjen nga ata që dikur i konsideroje në anën tënde.
Prandaj, sulmi ndaj fjalës së lirë bëhet arma e fundit e qeverisë së padronëve. Dhe kur kalon deri aty sa të godasësh edhe pronën e atyre që guxojnë të flasin hapur, atëherë dëshmon qartë jo vetëm mungesën e demokracisë por edhe frikën e thellë nga ajo që po afrohet.
Këta struktura vazale e dinë se Tetori nuk do të sjellë më heshtje, por votën e shqiptarëve. Dhe vota nuk pyet për padronë, as për shërbëtorë e vazalët vota është dënimi i popullit mbi arrogancën.
VLEN sulmon kritikët duke treguar fytyrën e vërtetë të atyre që fjalën e lirë e shohin si armik, e mendimin ndryshe si krim. Sepse kur mungon legjitimiteti, e vërteta e thënë me zë të lartë i djeg më shumë se çdo gjë.
