Kandidati i Aleancës Kombëtare për Integrim (AKI) për komunën e Sarajit, Blerant Ramadani, i shoqëruar nga kryetari aktual i komunës, Iljas Veseli, sonte ka takuar banorët e Arnaqisë së Epërme dhe të Poshtme, ku është pritur me entuziazëm dhe mbështetje të fuqishme për referendumin e 19 tetorit.
“Arnaqia e Epërme dhe e Poshtme sot folën me një zë të fuqishëm! Bashkë me kryetarin Iljas Veseli patëm nderin të takojmë banorët e Arnaqisë, burra me traditë, me respekt dhe me besim të pathyeshëm,” u shpreh Ramadani.
Ai tha se mesazhi i qytetarëve është i qartë: rruga e bashkimit dhe shërbimit është rruga e fitores.
“Fjalët e tyre të sinqerta dhe të drejtëpërdrejta na dhanë një mesazh të qartë: rruga jonë është e drejtë – rruga e bashkimit, rruga e shërbimit, rruga e fitores!” deklaroi kandidati i AKI-së.
Në fund, Ramadani theksoi përkushtimin e koalicionit për një Saraj modern e fitues:
“Në emër të koalicionit Aleanca Kombëtare për Integrim, ne zotëhemi se bashkë do ta ngremë Sarajin në nivelin që e meriton, një Saraj modern, krenar dhe fitues!”
