Kryetari i BDI-së, Ali Ahmeti, sot në Greshnicë mori pjesë në ceremoninë e varrimit të Fari Mehmedit, të cilin e kujtoi si shok të ngushtë dhe bashkëvuajtës në burgjet e viteve ’81.
“Sot, në Greshnicë, i dhamë lamtumirën e fundit Fari Mehmedit, shokut tim të burgut për ngjarjet e vitit 1981,” shkroi Ahmeti.
Ai e përshkroi të ndjerin si figurë të spikatur të çështjes kombëtare:
“Fari Mehmedi ishte patriot dhe atdhetar, njeri që e jetoi jetën me dinjitet dhe përkushtim për çështjen kombëtare. Në vitet më të vështira, kur u përballëm me dënime dhe vuajtje, ai qëndroi gjithmonë i fortë dhe besnik ndaj idealeve tona.”
Në fund, lideri i BDI-së dha mesazhin e tij të fundit për mikun e dikurshëm:
“Kujtimi i tij do të mbetet i gjallë dhe vepra e tij do të frymëzojë brezat që vijnë. Lamtumirë miku im, pushofsh në paqe!”
