Zgjedhjet lokale në Kërçovë do të mbahen më 19 tetor dhe roli i diasporës shqiptare pritet të jetë vendimtar për të ardhmen e qytetit. Siç kanë theksuar edhe shumë shoqata kërçovare, do të ishte ideale të garohej me një kandidat unik shqiptar, por kjo nuk u arrit. Rreziku që kandidati i palës tjetër të fitojë që në raundin e parë është real, prandaj nevojitet mobilizim i menjëhershëm. Diaspora duhet të udhëtojë dhe të votojë që në raundin e parë për të siguruar balotazhin. Të gjithë votuesit duhet të kenë dokumentacionin e vlefshëm, ndaj u bëjmë thirrje të pajisen sa më shpejt, qoftë në vendlindje në Ambasadat apo Konsullatat e Maqedonisë së Veriut .
