Është ndjenjë e veçantë kur e vërteta e dhimbjes sonë arrin të prekë zemrën e një vendi aq larg si Japonia. Dokumentari që u realizua këtë vit nga NHK – Japonia, në bashkëpunim me RTK në dhe Rilind Gervalla, ku pata nderin të jem pjesë e tij, u shpërblye me çmimin “Motivues”nga juria prestigjioze e Japonisë, në mesin e mbi 200 projekteve.
Ky çmim nuk është thjesht një trofe – është dëshmi se e vërteta e Kosovës, dhimbja dhe qëndresa jonë, mund të prekin ndërgjegjen ndërkombëtare kur tregohen me sinqeritet e guxim.
Për mua është nder që përvoja dhe fjala ime u bënë pjesë e këtij rrëfimi që sot inkurajon edhe të tjerët të flasin. Ky çmim i dedikohet çdo zëri të heshtur, çdo plage që ende s’është shëruar.
Jam thellësisht mirënjohës për përkrahjen tuaj të palodhshme ndër vite. Faleminderit që nuk më keni lënë kurrë vetëm në këtë rrugëtim.
Të mos harrojmë: e vërteta ka fuqi.
Faleminderit.
https://www.atp.or.jp/awards/atpaward/award_041.php
