Një ngjarje e rëndë ka ndodhur pak minuta më parë në Spitalin Psikiatrik “Bardovce” në Shkup, ku sipas informacioneve jozyrtare një pacient ka sulmuar dhe vrarë një pacient tjetër brenda institucionit. Burime nga vendngjarja bëjnë të ditur se viktima është goditur disa herë nga pacienti tjetër, duke i shkaktuar plagë fatale.
Policia ka mbërritur menjëherë në vendin e ngjarjes dhe ka nisur hetimet, ndërsa pritet konfirmimi zyrtar i rastit dhe më shumë detaje rreth motivit të sulmit.
Autoritetet shëndetësore dhe hetimore ende nuk kanë dhënë një deklaratë publike.
