Shefi i shtabit politik të Bdi-së në Tetovë, Bajram Rexhepi ka reaguar ndaj skandalit të radhës të kryetarit aktual të Komunës së Tetovës, Bilall Kasami i cili në rastin e Monopolit shmang procedurën e përmbarimit përmes cesionit.
“Shmangia e përmbarimit përmes manovrave të dyshimta financiare dhe favorizimi i kompanive të lidhura me pushtetin nuk i shërben qytetarëve të Tetovës, por i dëmton ata drejtpërdrejt”- ka shkruar Rexhepi.
Ja postimi plotë:
Përgjegjësia për buxhetin publik nuk është simbolikë, është detyrë ligjore dhe morale.
Shmangia e përmbarimit përmes manovrave të dyshimta financiare dhe favorizimi i kompanive të lidhura me pushtetin nuk i shërben qytetarëve të Tetovës, por i dëmton ata drejtpërdrejt.
Transparenca dhe llogaridhënia nuk janë luks, por domosdoshmëri. Prandaj, çdo veprim në kundërshtim me ligjin që dëmton interesin publik duhet të hetohet dhe të marrë përgjigjen e duhur institucionale.
#eVërtetaPërTetovën #DosjaKasami
