Deputetja e BDI-së, Rina Ajdari, ka zhvilluar takim pune me ambasadorin e Francës në Maqedoninë e Veriut.
“Qeveria e Maqedonisë së Veriut duhet të punojë në drejtim të integrimit të vendit në BE e jo ta bllokojë”, ka shkruar deputetja Ajdari.
Postimi i saj:
Sot në cilësinë e anëtares të Komisionit për çështje evropiane bashkë me kolegë deputet realizuam takimi pune me shkëlqësinë e tij, Ambasadorin e Republikës së Francës, Christophe Le Rigoleur.
Në fjalën time theksova që qeveria e Maqedonisë së Veriut duhet të punojë në drejtim të integrimit të vendit në BE e jo ta bllokojë të njejtin. Ndryshimet kushtetuese janë të domosdoshme që të ecim përpara në këtë rrugëtim.
Republika e Francës ka qenë dhe do të mbetet partner strategjik i vendit tonë në periudha kyçe të zhvillimit dhe përparimit si demokraci parlamentare dhe si shtet multietnik.
