Kryetari i Degës së BDI-së në Tetovë, Faton Ahmeti, njëherësh Sekretar i Përgjithshëm i saj, ka përgëzuar rektorin e UEJL, me rastin emërimit të tij në krye të Universitetit.
Uroj që mandati juaj të jetë i mbushur me suksese, zhvillim të mëtejshëm të universitetit dhe avancim të cilësisë në arsimim, kërkim shkencor dhe bashkëpunim ndërkombëtar, ka shkruar Ahmeti.
Postimi i plotë i z. Faton Ahmeti:
🎓 Urime për Rektorin e ri të UEJL-së
I dashur prof.dr. Sadudin Ibraimi,
Me rastin e zgjedhjes në krye të Universitetit të Evropës Juglindore, ju shpreh urimet më të sinqerta dhe të përzemërta për këtë detyrë të rëndësishme dhe të nderuar.
Besimi i dhënë është dëshmi e përkushtimit tuaj akademik, integritetit personal dhe vizionit për arsimin e lartë. Uroj që mandati juaj të jetë i mbushur me suksese, zhvillim të mëtejshëm të universitetit dhe avancim të cilësisë në arsimim, kërkim shkencor dhe bashkëpunim ndërkombëtar.
Universiteti si institucion i dijes dhe i përparimit, ka rol kyç në formimin e gjeneratave të reja dhe në ndërtimin e një shoqërie më të drejtë dhe më të ditur. Në këtë rrugëtim të rëndësishëm, ju uroj shëndet, vendosmëri dhe vizion të qartë drejt së ardhmes.
Suksese në detyrë!