Bujar Hudhri nga Shtëpia Botuese “Onufri” në Tetovë ka parashtruar kallëzim penal ndaj kryetarit të komunës së Tetovës Bilall Kasami, për si thotë ai, plagjiaturë të librave të tyre.
Hudhri, tha se për këtë i referohen një postimi të kryetarit Kasami, ku njoftohen se bibliotekat e shkollave të mesme po furnizohen me libra, ndër to është edhe një libër të cilin vetëm ata kanë të drejtë ta botojnë.
“Nga mbikëqyrje fare e lehtë e materialit të ekspozuar unë kam konstatuar se të gjithë librat që komuna i ka blerë për të dhuruar shkollave të mesme të Tetovës janë të vjedhura. Pra arsye se unë padisë këtu komunën, është skandaloze që shteti të marrë një mall të vjedhur dhe ta dhurojë”, deklaroi Bujar Hudhri.
