Pas publikimit të skandaleve të një pas njëshme në media të ndryshme, për keqpërdorimin në mënyrë të pamëshirshme dhe joligjore të buxhetit të Komunës së Tetovës, nga ana e Kryetarit të Komunës së Tetovës, Bilall Kasami i cili paguan aktivist e penzionist me kontrata në vepër, duke keqpërdorur në mënyrë brutale paratë e taksapaguesve tetovarë, në një postim në fb ka reaguar Koordinatori i Këshilltarëve të Bdi-së në Komunën e Tetovës, Liridon Disha i cili ka theksuar se nuk do të lejojmë që Bilall Kasami ta shfrytëzojë buxhetin e Komunës për t’i paguar me shuma të majme aktivistët e Lëvizjes Besa, të cilat shuma janë shum më të mëdha se rogat e të punësuarve më administratën komunale.
“Fatkeqësia më e madhe është së këta persona marrin shuma të majme në krahasim me punëtorët administrativë që çdo ditë paraqiten në punë dhe i kryejnë obligimet ndaj qytetarëve në mënyrën më të mirë të mundshme”- ka shkruar Disha.
Ja postimi plotë:
Të nderuar bashkëqytetarë,
Nuk do të lejojmë që buxhetin e Komunës së Tetovës, i cili është buxhet i qytetarëve, të shfrytëzohet për kampanjë politike të Bilall Kasamit!
Rreth 2.000.000 euro në vit harxhohen nga buxheti i Komunës për kontrata në vepër. Në këto lista gjenden edhe persona që janë në pension, jetojnë jashtë shtetit dhe nuk kanë marrëdhënie pune në Komunë.
Fatkeqësia më e madhe është së këta persona marrin shuma të majme në krahasim me punëtorët administrativë që çdo ditë paraqiten në punë dhe i kryejnë obligimet ndaj qytetarëve në mënyrën më të mirë të mundshme.
Ne nuk mund të lejojmë që Bilall Kasami ta shfrytëzojë buxhetin e Komunës për t’i paguar me shuma të majme aktivistët e Lëvizjes Besa. Është obligim i çdo qytetari të reagojë!
KOMUNA E QYTETARËVE!
