Ministri i Punëve të Jashtme dhe Tregtisë së Jashtme, Timço Mucunski sot do të jetë nikoqir i ministrs së Punvëe të jashtme të Republikës së Austrisë, Beate Majnl-Rajsinger.
Siç informon MPJdheTJ, pas pritjes së paraparë zyrtare Mucunski dhe Manjl-Rajsinger do të kenë takim tet-a-tet, ndërsa më pas do të pasojë edhe takimi bilateral mes dy delegacioneve. Në fokus të bisedimeve do të jetë avancimi i marrëdhënieve bilaterale, riafirmimi i mbështetjes austriake për integrimin e vendit në Bashkimin Evropian, si dhe këmbimi i mendimeve për çështje kyçe rajonale, evropiane dhe globale.
Pas takimeve është paralajmëruar edhe konferencë e përbashkët për shtyp.
Sipas MPJdheTJ, kjo është vizita e parë e Majnl-Rajsinger në vendin tonë pas marrjes së funksionit ministre e Punëve Evropiane dhe Ndërkombëtare e Republikës së Austrisë më 3 mars 2025.