Shkup, Maj 2025 – Në mbledhjen e Senatit të Universitetit “Nënë Tereza” në Shkup, me propozim të rektorit Prof.dr. Bekim Fetaji, u zhvillua procesi i votimit të fshehtë për përzgjedhjen e prorektorëve të rinj, të cilët do të jenë pjesë e udhëheqjes akademike të Universitetit gjatë këtij mandati.
👉Prof.dr. Zoran Gacovski u zgjodh prorektor për Shkencë dhe Hulumtime;
👉Prof.Inor.dr. Diturije Ismaili u zgjodh prorektor për Marrëdhënie Ndërkombëtare;
👉Prof.Inor.dr. Fati Iseni mori sërish besimin për të vazhduar si prorektor për Arsim dhe Çështje Studentore.
Prorektorët do të ushtrojnë funksionin e tyre gjatë gjithë mandatit të rektorit, duke kontribuar në avancimin e misionit akademik, kërkimor dhe ndërkombëtar të Universitetit.
Zgjedhja e prorektorëve pasqyron përkushtimin institucional për një drejtim të balancuar, gjithëpërfshirës dhe të orientuar drejt standardeve më të larta të arsimit të lart.
