Në ambientet e Bashkësisë Fetare Islame u zhvillua një takim vëllazëror mes Reisul Ulemasë, H. Hfz. Shaqir ef. Fetai, dhe kryetarit të Qendrave Islame Shqiptare në Gjermani, z. Mensur ef. Halili.
Gjatë këtij takimi u vlerësua bashkëpunimi i deritanishëm dhe tejet i frytshëm ndërmjet BFI-së dhe Qendrave Islame në Gjermani. U diskutua gjithashtu për projektet e ardhshme me interes të përbashkët, të cilat synojnë forcimin e identitetit fetar, kulturor dhe kombëtar të mërgatës shqiptare në këtë shtet.
Në takim morën pjesë edhe Muftiu i Muftinisë së Tetovës, Hfz. Dr. Selver ef. Xhemaili, shefi i kabinetit të Reisul Ulemasë, Dr. Abdulkerim Iseni, drejtori për diasporë pranë BFI-së, Mr. Mafiz Rustemi, si dhe drejtori për çështje fetaro-arsimore, Mr. Fejzullah Sadiku.
Me këtë rast, kryetari i Qendrave Shqiptare Islame të Gjermanisë, Mensur ef. Halili, i dhuroi Reisul Ulemasë numrin e parë të revistës “Perspektiva”, botuar nga këto qendra, në çks Reisul Ulema shprehu urime pêr këtë hap të rëndësishëm në sferën e fjalës së shkruar. Nga ana tjetër, Reisul Ulema e nderoi mysafirin me një mirënjohje për kontributin e tij të çmuar në ruajtjen dhe zhvillimin e jetës fetare në mesin e diasporës shqiptare në Gjermani, si dhe për mbështetjen që kjo diasporë i jep Bashkësisë Fetare Islame dhe institucioneve të saj, me theks të veçantë Medresesë “Isa Beu” dhe Fakultetit të Shkencave Islame.
