Ilire Dauti deputetja e ASH-së së Ziadin Selës, nëpërmjet një postimi ka vënë në dukje veprimet e Taravarit edhe pse ajo nuk përmend asnjë emër por të gjitha fjalët e thëna korespondojnë me lëvizjet politike të Taravarit nga zgjedhjet parlamentare e deri më tash.
Ja çfar shkruan Dauti.
Perla politikanësh, punë zbrazur, gënjeshtra mbushur:
– Nuk ndjehemi fajtorë për atë që kemi bërë, por ajo që bëmë ishte gabim.
– Shqiptarët janë të pakënaqur me Qeverinë. Ne i përfaqësojmë ata, por vazhdojmë të qëndrojmë në Qeveri.
– Në zgjedhjet lokale, për shkak të “rëndësisë”, lejohet bashkëpunimi me këdo. Ndërsa në zgjedhjet parlamentare jo — edhe pse në politikat shtetërore vendoset edhe për komunat.
Ç’është ky turp?!
Ç’është kjo marrëzi?!
Ç’është kjo “kurajo” për garë, ku politikanët maten me gabimet — kush ka më shumë e më të rënda?!
Vetëm kur të vijë dita që gara të bëhet përmes krahasimit të arritjeve, ia kemi arritur si popull.
Deri atëherë, na duhen sy të mprehtë dhe gjykim i kthjellët.
Sepse mashtrimi vishet gjithmonë bukur!
