Kryetari i Shoqatës ” Jehona e Malësisë” në Shba, Agron Dedivanaj ka kujtuar ditëlindjen e heroit të kombit Gjergj Kastrioti- Skënderbeu.
“Sot festojmë jo thjesht datën e lindjes së një heroi, por frymën e bashkimit, guximit dhe qëndresës që Skënderbeu mishëroi gjatë gjithë jetës së tij. Trimëria dhe angazhimi i tij i palëkundur për mbrojtjen e popullit shqiptar janë gurëthemeli i identitetit tonë kombëtar”- ka shkruar Dedivanaj.
Ja postimi i plotë:
Gjergj Kastrioti – Skënderbeu (6 maj 1405 – 17 janar 1468).
Sot festojmë jo thjesht datën e lindjes së një heroi, por frymën e bashkimit, guximit dhe qëndresës që Skënderbeu mishëroi gjatë gjithë jetës së tij. Trimëria dhe angazhimi i tij i palëkundur për mbrojtjen e popullit shqiptar janë gurëthemeli i identitetit tonë kombëtar.
Forca dhe shpirti i tij udhëheqës na mësuan se nëpërmjet unitetit, ne jemi të pathyeshëm – sepse ai e dinte se kur qëndrojmë së bashku, asnjë armik nuk është shumë i fortë dhe se asnjë sfidë nuk është shumë e madhe. Ai ëndërronte për një komb të bashkuar shqiptar dhe kjo ëndërr ne na motivon edhe sot e kësaj dite.
Sot, përmendorja e tij me krenari shkëlqen në Tuz, si një shëmbull i trashëgimisë së tij të përjetshme. Të bashkuar, ne mund të vazhdojmë rrugëtimin e nisur nga Skënderbeu, me nder, vëllazërisht dhe besa-besë. Sot kujtojmë heroin më të madh që ka njohur toka jonë dhe jemi të vendosur ta mbajnë gjallë vizionin e tij për brezat që do të vijnë.
Përjetësisht krenar!
