Sot, në cilësinë e përfaqësuesve të Grupit Parlamentar të Frontit Evropian, së bashku me kolegët Elmi Aziri dhe Salih Murat, zhvilluam një takim konstruktiv me Delegacionin e Komitetit për Respektimin e Detyrimeve të Vendeve Anëtare të Këshillit të Evropës – në kuadër të dialogut post-monitorues me Republikën e Maqedonisë së Veriut.
Në qendër të diskutimit ishin çështje kyçe për të ardhmen evropiane të vendit: • Reformat në sistemin gjyqësor dhe përmirësimi i kornizës zgjedhore
• Lufta kundër korrupsionit dhe forcimi i shtetit të së drejtës
• Garancia e lirive të mediave dhe mbrojtja e të drejtave të pakicave
• Demokracia funksionale dhe respektimi i të drejtave të njeriut
Si front politik me orientim të qartë pro-evropian, riafirmuam përkushtimin tonë të palëkundur për reforma të thella dhe gjithëpërfshirëse – sepse integrimi në BE nuk mund të ndërtohet mbi fasada politike, por mbi vlera, standarde dhe përfaqësim të barabartë.
Rruga drejt Evropës fillon nga institucionet e përgjegjshme, politikat e guximshme dhe zëri i qytetarëve shqiptarë– që nuk janë më thjesht pjesë e sistemit, por garantë të bashkëjetesës dhe stabilitetit në shtet.
