Deputetja e BDI-së, Rina Ajdari, pas takimit me kryetaren e Kuvendit të Sllovenisë, ka deklaruar se do ta kenë mbështetjen e fortë të Sllovenisë për integrimin evropian.
“Sot në cilësinë e anëtares së Komisionit për Çështje Evropiane, bashkë me kolege dhe kolegë deputet, realizuam takim pune me kryetaren e Kuvendit të Sllovenisë znj. Urshka Kllakoçar Zupançiq”, ka deklaruar Ajdari.
Kryetarja e Kuvendit të Sllovenisë e rikonfirmoi mbështetjen e fortë të Sllovenisë për integrimin evropian të vendit tonë, thotë deklarata e deputetes së BDI-së.
Në takim u bisedua për shumë aspekte të bashkëpunimit mes dy vendeve duke potencuar mbështetjen sllovene për integrimin evropian të Maqedonisë së Veriut, Ballkanit Perëndimor si tërësi dhe për të gjithë procesin e zgjerimit të Bashkimit Evropian, ka deklaruar në fund znj. Ajdari.
