Presidentja e shtetit, Gordana Siljanovska-Davkova sot realizoi takim me zëvendës-sekretaren e përgjithshme të Kombeve të Bashkuara, Amina XH. Mohamed dhe foli para koordinuesve të përhershëm të KB-së nga Evropa dhe Azia Qendrore.
Duke bashkëndjerë për tragjedinë në Koçan, Mohamed theksoi se nga fatkeqësia, për fat të keq, të gjithë mësuan shumë dhe kuptuan se çdokujt mund t’i ndodhë. Sipas saj, siç kumtuan nga Kabineti i presidentes, vendimi më i mirë që e ka bërë shteti është që shumica e të lënduarve u dërguan për mjekim jashtë vendit. Me një humbje të këtillë, theksoi ajo, asnjë vend nuk mund dhe nuk duhet tl përballet i vetëm.
Duke folur për rolin e Kombeve të Bashkuara, si organizatë e krijuar për ta mbrojtur paqen, bashkëbisedueset u dakorduan se pas ekzistimit prej tetë dekadave, është e domosdoshme që Organizata të riformohet në pajtim me sfidat bashkëkohore paqësore dhe demokratike.
“Të ndërtojmë lidership të respektuar dhe inspirativ, t’i fisnikërojmë realizmin dhe fuqinë brutale me idealizëm, me të drejtë, etikë dhe moral”, theksoi presidentja.
Zëvendës-sekretarja e përgjithshme theksoi se KB-ja duhet t’i ruajë vlerat dhe parimet e organizatës dhe të jenë më të zëshëm, me çka vendeve të tanishme dhe të ardhshme anëtare do t’u dëshmojnë se kanë prëfitime nga anëtarësimi në KB.
Duke folur për procesin e eurointegrimit tonëm zëvend[s-sekretarja e prëgjithshme theksoi se është me rëndësi që KB-ja të angazhohet për ne, si vend i vogël, i cili padrejtësisht dhe tejet gjatë, pret për hyrje në BE.
Para koordinuesve të përhershëm të KB-së nga Evropa dhe nga Azia Qendrore, Siljanovska-Davkova theksoi se edhe pse bota pësoi transformim të thellë gjeopolitik, ekonomik, ekologjik, demografik dhe teknologjik, kompetencat, strukturat dhe procedurat e KB-së mbetën kryesisht të pandryshuara.
Janë të domosdoshme reforma thelbësore që do t’i bëjë Asambleja e Përgjithshme dhe Këshilli i Sigurimit, institucione më legjitime dhe më demokratike në përmbushjen e Kartës së KB-së. Këshilli i Sigurimit nuk mund të zgjedhë, të ketë prëbërje dhe të vendosë si në vitin 1945. Ai duhet të riformohet dhe të bëhet më përgjegjës për mirëmbajtjen e paqes dhe sigurisë ndërkombëtare. Asambleja e përgjithshme duhet ta tejkalojë rolin e vet debatues dhe të shndërrohet në trup kyç në procesin e vendim-marrjes dhe krijimit të politikave. Aktvendimet e Gjykatës ndërkombëtare të drejtësisë duhet të bëhen obligative për të gjitha shtetet”, tha ajo.
Për të koordinuesit e KB-së janë bartës të ndërgjegjes globale, ithtarë dhe luftëtarë për paqe, ofrues të ndihmës të atyre të cilëve më së shumti u nevojitet, bartës të shpresës në kohë dëshpërimi. Ajo ua shprehi dhe premtoi mbështetjen e saj.
Si njeri i cili jetën e vet ia ka përkushtuar të drejtës dhe drejtësisë, ende besoj në nevojën për multilateralizëm efektiv me Kombe të Bashkuara të fuqishme, të riformuara”, theksoi ajo.
Presidentja gjithashtu, e potencoi angazhimin tonë për integrim të Qëllimeve për zhvillim të qëndrueshëm në strategjinë nacionale, duke u fokusuar në aktivitetet klimatike, barazinë dhe sundimin e së drejtës.