…në vëndin tim, në vëndin tënd, një i çmëndur një vënd e çmënd!”
Këtë postim e filloj me fundin e vargjeve të poezisë të Dritëro Agollit.
Si shkas kam marrë deklartat e deputetit të VV-së në Maqedoninë e Veriut Bekim Qoku i cili ka thënë se partitë e “VLEN” i kanë borxh Albin Kurtit që të mos ndahen!
Pse po shqetsohen më shumë për “borxhin” ndaj Albin Kurtit sesa për borxhin që i kanë shqiptarëve në këto 10 muaj qeverisje.
– heqje e mekanizmit të ballancuesit
– mos përfillja e parimit të respektimit të përfaqësimit të drejtë dhe adekuat
– heqja e gjuhës shqipe nga tabelat e shumë institucioneve qendrore
– mos përfillja e shqiptarëve në sektoret e sigurisë
– rikthimi i huliganëve maqedonas që ç’do ditë kërcënojnë dhe përdhosin gjithçka shqiptare
– arrestimi i një ish ministri pa fakte dhe argumente, por vetëm me tendencë për t’u veshur shqiptarëve fajin e tragjedisë së Koçanit.
– lejimi i zv.kryeministrit, partner koalicioni i VLEN që të merr pjesë në takime të botës “serbo-madhe” me orientime pro ruse
– sfilatë e shërbimit sekret serb në territorin e Maqedonisë së Veriut sikur të ishte territor i tyre dhe jo i një shteti të NATO-s
Me veprimet tuaja e keni bërë punën që edhe Albin Kurti të hyjë në borxh te shqiptarët në Maqedoninë e Veriut për atë që ai ju mbështeti dhe ju ç’ka i servuat shqiptarëve nga ajo mbështetje.
Ka edhe shumë pika të tjera që ju ja keni borxh shqiptarëve në këto 10 muaj keq qeverisje, që do ju a kishin zili edhe puthadorët më të mëdhenjë të ish-Jugosllavisë.