“Bëjuni dhurata fëmijëve dhe edukoni mirë ato.”
— Hadith (Ibn Maxheh)
Duke iu referuar këtij amaneti të lartë, Myftinia e Tetovës, nën udhëheqjen e Myftiut, Dr. Hfz. Selver ef. Xhemailit, edhe këtë vit u përkujdes për të gëzuar ata që i gëzohen më së shumti festës së Bajramit, fëmijët e shkollave të ndryshme me gjithësej 1050 pako bajrami të shpërndara në shkolla të ndryshme. Ky aktivitet u realizua në bashkëpunim me bashkëpunëtorët e tij: Hoxhë Nuhi ef. Ganiu, sekretari e Myftinisë Semir ef. Fazliji, referenti Muhamed ef. Berzati, si dhe drejtori i Standartit Hallall në BFI, Driton Dikena dhe imami i fshatit Kallnik, hfz. Omer ef. Dauti.
Dhuratat e parapara për festën e Bajramit u shpërndanë në disa shkolla, në prani të drejtorëve, mësuesve të cilët ngrohtësisht pritën këtë aktivitet, si dhe hoxhallarëve të fshatrave dhe zonave përkatëse. Ky aktivitet u realizua me pjesëmarrjen e imamëve dhe operativës së Myftinisë.
Nxënësit e shkollave të përfshira këtë vit:
– Liria (paralelja e fëmijëve me nevoja të veçanta)
– Istigbal
– Sellarcë
– Kallnik dhe Pallçisht
– Tenovë
– Odri
– Jazhincë
– Klinika e Pediatrisë – Tetovë
– Çerdhja te Stadiumi
– Brodeci
Allahu i shpërbleftë donatorët që u bënë pjesë e gëzimit të fëmijëve dhe mundësuan realizimin e këtij aktiviteti fisnik.
