Në kuadër të planprogramit të Ramazanit, të organizuar nën patronazhin e Reisul Ulemasë, H. Hfz. Shaqir ef. Fetai, delegacioni i Rijasetit të Bashkësisë Fetare Islame të Republikës së Maqedonisë së Veriut ka vazhduar vizitat e tij në xhamitë shqiptare në Gjermani.
Delegacioni i lartë përbëhej nga:
• Dr. Selver ef. Xhemaili, Mufti i Tetovës, H. Adi ef. Murtishi, Myfti i Strugës, Prof. Dr. Muhamed Mustafi, ligjërues në Fakultetin e Shkencave Islame në Shkup, Prof. Dr. Naser Ramadani, ligjërues në Fakultetin e Shkencave Islame në Shkup, Prof. Avni Neziri, sekretar i Medresesë Isa Beu, Mr. Xhemail Ahmedi, sekretar në Myftininë e Kërçovës.
Gjatë vizitave të realizuara:
• Dr. Selver ef. Xhemaili vizitoi Xhaminë Shqiptare “El Buhari” në Sombor
• H. Adi ef. Murtishi qëndroi në Xhaminë “Jakup Hasipi” në Berlin
• Prof. Dr. Muhamed Mustafi vizitoi Xhaminë “El Furkan” në Duisburg
• Prof. Dr. Naser Ramadani vizitoi Xhaminë “Iliria” në Landshut
• Prof. Avni Neziri vizitoi Qendrën Islame Shqiptare “Lëvizja” në Schwäbisch Gmünd
• Mr. Xhemail Ahmedi vizitoi Xhaminë “Ezan” në Remscheid
Delegacioni përcolli selamet dhe përshëndetjet e Bashkësisë Islame dhe të institucioneve të saj, si dhe të Reisul Ulemasë, H. Hfz. Shaqir ef. Fetai, duke falënderuar imamët, këshillat e xhamive dhe xhematet për kontributin e çmuar të komunitetit shqiptar në diasporë në përhapjen e fjalës së Allahut, si dhe mbështetja e vazhdueshme ndaj institucioneve fetaro-edukative në vendlindje, si Medreseja “Isa Beu” dhe Fakulteti i Shkencave Islame në Shkup.