Julian Araujo ishte gati për ta bërë hapin e madh në karrierë duke u transferuar te Barcelona, por ëndrra e tij për ta veshur fanellën e gjigantit katalunas nuk është realizuar, së paku për momentin.
Barcelona kishte arritur marrëveshje me skuadrën amerikane Los Angeles Galaxy për huazimin e mbrojtësit të djathtë, por dokumentet u dorëzuan me 18 sekonda vonesë.
Kjo vonesë erdhi për shkak të një gabimi kompjuterik, pas së cilit Barcelona është ankuar në FIFA.
Megjithatë, shtëpia më e madhe e futbollit botëror nuk i ka dhënë të drejtë katalunasve dhe transferimi i Araujos ka dështuar përfundimisht.
Mediumi katalunas Mundo Deportivo ka raportuar se FIFA e konsideron çështjen të mbyllur dhe Araujo do të mbetet te LA Galaxy.
Barceloa tentoi afrimin e mbrojtësit të djathtë meksikan pasi lejuan transferimin e Hector Bellerin te Sporting Lisbona në Portugali.
Gjithsesi tani katalunasit duhet të presin afatin kalimtar të verës për të tentuar afrimin e një anësori.