Nënkryetari i parlamentit të Malit të Zi, Nikollë Camaj sot ka mirëpritur në takim veprimtarin e palodhshëm dhe avokatin e njohur, lobistin e çështjes shqiptare në Washington Martin Vulaj.
Këtë e ka bërë të ditur nëpërmjet një postimi në fb nënkryetari Camaj.
Ja postimi plotë:
Ishte një nder dhe pervojë e veçantë për mua, të shkëmbeja mendime me një veprimtar të palodhshëm, avokatin e njohur dhe lobistin e çështjes shqiptare në Washington e gjetiu, kryetarin e Shoqatës “Albanian American Relations Council”, z. Martin Vulaj, i cili më nderoi me vizitën e tij, sot, në Parlamentin e Malit të Zi.
Përndryshe, Martin Vulaj këto ditë vizitoi Shqipërinë, Maqedoni, Kosovën dhe Malin e Zi, me qëllim të sigurimit se politika dhe administrata amerikane do të vazhdojnë t’u rrinë pranë shqiptarëve, siç ishte në të kaluarën, ashtu edhe në të ardhmen.
Faleminderit Martin për misionin tënd fisnike.
