Me ftesë të ambasadorit të Republikës së Kosovës, Dr. Florian Qehaja, një delegacion i Bashkësisë Fetare Islame (BFI), i udhëhequr nga kreu më i lartë i saj, Reisul Ulema H. Hfz. Shaqir ef. Fetai, mori pjesë në eventin e organizuar me rastin e Ditës së Pavarësisë së Shtetit të Kosovës.
Delegacioni përbëhej nga Myftiu i Shkupit, Dr. Qenan ef. Ismaili, Myftiu i Tetovës, Dr. Hfz. Selver ef. Xhemaili, Myftiu i Gostivarit, H. Sabahudin ef. Zendeli, Sekretari i Përgjithshëm, Irsal ef. Jakupi, drejtori për marrëdhënie me publikun në BFI, Agron Vonjika, drejtori i sektorit të informacionit në BFI, Fidush Ibrahimi, referenti i Myftinisë së Tetovës, Muhamed ef. Berzati, si dhe përfaqësues të tjerë.
Me këtë rast, u përcollën urimet më të përzemërta për popullin e Kosovës dhe gjithë kombin shqiptar, duke shprehur mbështetjen dhe vlerësimin për këtë ditë të shënuar.
