Sot, 07 shkurt (e xhuma), Kryetari i Bashkësisë Fetare Islame të RMV – së, Reisul Ulema H. Hfz. Shaqir ef. Fetai, i shoqëruar nga sekretari gjeneral, shefi i kabinetit, dekani dhe prodekani i Fakultetit të Shkencave Islame – Shkup, drejtorët e sektorëve të Rijasetit, priti në kabinetin e tij, Sheikh Labib Al-Nahhas, drejtor ekzekutiv i çmimit Sheikh Ahmed për Përkthim dhe Mirëkuptim Ndërkombëtar dhe anëtarin e bordit të këtij çmimi, Prof. Dr. Halit Eren.
Fillimisht, Reisul Ulema e falenderoi delegacionin për vizitën, duke ju dëshiruar mirëseardhje në vendin tonë dhe më pas, i njoftoi mbi rolin, angazhimin dhe aktivitetin e gjërë të cilin e kryen Bashkësia Fetare Islame në vendin tonë, si institucioni më i lartë fetarë në vend.
Gjatë diskutimit, Reisul Ulema h. Hfz. Shaqir ef. Fetai i njoftoi edhe mbi projekte të ndryshme të cilat i ka në planprogram për ti realizuar Bashkësia Fetare Islame e RMV – së, të cilat kanë si pikësynim përmirësimin dhe avancimin e cilësisë së jetës fetare në përgjithësi dhe të institucioneve edukativo arsimore në veçanti.
Në këtë takim, theks të veçantë i’u kushtua forcimit të raporteve mes dy institucioneve, duke u dakorduar për bashkëpunim më të thelluar mbi projekte të cilat kanë të bëjnë me natyrën e përkthimit të literaturës Islame dhe veprave tjera të kulturës dhe qytetërimit ballkanik, e cila do të shërbejë si urë lidhëse për njohjen e ndërsjellë të shoqërive Islame të vendeve të ndryshme.
Në fund, në shenjë mirënjohjeje, Reisul Ulema H. Hfz. Shaqir ef. Fetai, mysafirëve i’u dhuroi nga një plaketë dhe letërnjoftimin e Bashkësisë Fetare Islame të RMV – së, dhe anasjelltas, delegacioni në fjalë, në shenjë falenderimi për mikpritjen, Reisul Ulemanë e nderuan me një dhurartë shum të çmuar dhe të veçantë.
Allahu ju bekoftë!
