Kryetari i Bashkimit Demokratik për Integrim, Ali Ahmeti ka shprehur ngushëllime deri tek familjarët e tre fëmijëve që humbën jetën në tragjedinë e Jabllanicës.
Mesazhi i plotë:
Me dhimbje dhe pikëllim të thellë, shprehim ngushëllimet tona më të sinqerta për familjet Rama, Morina dhe Mehmetaj, të cilat humbën tre fëmijët e tyre në tragjedinë e Jabllanicës.
Në këto momente të vështira, jemi me mendje dhe zemër pranë familjeve që po përballen me këtë humbje të madhe, duke ndarë dhembjen e tyre të thellë.
Zoti ju dhëntë forcë dhe kurajë për ta përballuar këtë dhimbje të rëndë. Lutemi për shpirtin e të ndjerëve dhe për paqen në zemrat tuaja.
